விஜய் அம்மா தனுஷ் ரசிகைதான்…’ கொடி இயக்குனர் துரை பேச்சு!

முதன்முறையாக தனுஷ் இரட்டை வேடங்களில் நடித்துள்ள படம் கொடி.

துரை செந்தில்குமார் இயக்கியுள்ள இப்படத்தை வெற்றிமாறன் தயாரித்துள்ளார்.

இப்படத்தின் பாடல்கள் வெளியீட்டு விழாவை தொடர்ந்து பத்திரிகையாளர்கள் சந்திப்பு நடைபெற்றது.

இதில் த்ரிஷா மற்றும் இயக்குனர் எஸ்ஏ. சந்திரசேகரன் ஆகியோர் தவிர முக்கிய நட்சத்திரங்கள் பங்கேற்றனர்.

அப்போது இயக்குனர் துரை செந்தில்குமார் பேசும்போது…

நான் இதுவரை பணிபுரிந்த படங்களில் எல்லாம் தனுஷ் இருந்திருக்கிறார்.

வெற்றிமாறன் அவர்கள் தனுஷ் படத்தை இயக்கியபோது அங்கு உதவியாளராக பணிபுரிந்தேன்.

அதன் பின்னர் சிவகார்த்திகேயன் நடித்த எதிர் நீச்சல், காக்கி சட்டை படங்களை நான் இயக்கியபோது தனுஷ் தயாரிப்பாளராக இருந்தார்.