தனுஷ் படத்தை இயக்கும் சௌந்தர்யா ரஜினிகாந்த்!

நடிகர் தனுஷ் தற்போது கௌதம் மேனன் இயக்கத்தில் என்னை நோக்கி பாயும் தோட்டா படத்தில் நடித்து வருகிறார். இதன் படப்பிடிப்பு 50% நிறைவடைந்துள்ளது. இதற்கிடையில் அவர் நடித்துள்ள தொடரி மற்றும் கொடி படங்களும் அடுத்தடுத்து ரிலீஸுக்கு தயாராகி வருகிறது.

இந்நிலையில் இவர் அடுத்ததாக வட சென்னை, கார்த்திக் சுப்புராஜ் படம் மற்றும் ஹிந்தி, ஆங்கிலத்தில் ஒரு படம் என பல படங்களில் நடிக்கவுள்ளார். இந்த படங்களை எல்லாம் முடித்துவிட்டு சௌந்தர்யா ரஜினிகாந்த் இயக்கும் ஒரு படத்திலும் இவர் நடிக்கவுள்ளாராம். சௌந்தர்யா ரஜினிகாந்துடன் இணைந்து இப்படத்தின் கதையையும் இவர் எழுதி வருகிறார்.