வட சென்னையில் வில்லனாக நடிக்கும் விஜய் சேதுபதி?

தனுஷ் – வெற்றிமாறன் கூட்டணி மூன்றாவது முறையாக இணைந்திருக்கும் படம் வட சென்னை. இதன் படப்பிடிப்பு அண்மையில் பூஜையுடன் தொடங்கியது. தங்கமகன் படத்தை தொடர்ந்து இந்த படத்திலும் தனுஷ் ஜோடியாக சமந்தா நடிப்பார் என எதிர்பார்க்கப்படுகிறது.

இந்நிலையில் இப்படத்தில் விஜய் சேதுபதி வில்லனாக நடிப்பார் என அண்மையில் ஒரு தகவல் வெளியானது. ஆனால் விஜய் சேதுபதி தரப்பு தற்போது இத்தகவலை திட்டவட்டமாக மறுத்துள்ளது. முதலில் இப்படம் இரு பாகங்களாக உருவாகும் என கூறப்பட்டு வந்தது.

ஆனால் தற்போது இப்படம் மூன்று பாகங்களாக வெளிவரும் என அறிவிக்கப்பட்டுள்ளது. இப்படத்தில் ஆண்ட்ரியா
ஒரு முக்கிய கதாபாத்திரத்தில் நடிக்க ஒப்பந்தமாகியுள்ளார். இவர்களுடன் டேனியல் பாலாஜி, சமுத்திரக்கனி ஆகியோர் மிரட்டும் வில்லன்களாக நடிக்கவுள்ளனர்.