தனுஷ் - கௌதம் படம் குறித்து பேசிய ராணா!

கொடி படத்தை முடித்த கையோடு நடிகர் தனுஷ், கௌதம் மேனன் இயக்கும் ‘என்னை நோக்கி பாயும் தோட்டா’ படத்தில் நடித்து வருகிறார். இதன் படப்பிடிப்பு இரு தினங்களுக்கு முன்பு தொடங்கியது. இந்நிலையில் நேற்று இதன் படப்பிடிப்பில் நடிகர் ராணா கலந்துகொண்டு நடித்தார். எனவே இவர் இப்படத்தில் வில்லனாக நடிப்பதாக தகவல் வெளியானது.

ஆனால் உண்மையில் தான் இப்படத்தில் ஒரு சிறிய கேமியோ ரோலில் மட்டுமே நடித்திருப்பதாக ராணா தற்போது தெரிவித்துள்ளார். இப்படத்தில் தனுஷ் ஜோடியாக ‘ஒரு பக்க கதை’ புகழ் மேகா ஆகாஷ் நடித்து வருகிறார். கௌதம் மேனனின் ஒன்றாக என்டர்டேயின்மென்ட் நிறுவனமும் எஸ்கேப் ஆர்டிஸ்ட் மோஷன் பிக்சர்ஸ் நிறுவனமும் இப்படத்தை கூட்டாகத் தயாரித்து வருகிறது.