இணையத்தில் வைரலாகும் தொடரி பட ஃபர்ஸ்ட் லுக்!

மாரி படத்தை தொடர்ந்து நடிகர் தனுஷ், வேல்ராஜ் இயக்கத்தில் தங்கமகன் மற்றும் பிரபு சாலமன் இயக்கும் பெயரிடாத படத்தில் நடித்தார். இதில் தங்கமகன் கடந்த ஆண்டே ரிலீஸாகிவிட்டது. இந்நிலையில் பிரபு சாலமன் படத்தின் தலைப்பு தற்போது ஃபர்ஸ்ட் லுக்குடன் வெளியாகியுள்ளது.

முன்னதாக இப்படத்துக்கு ரயில், மிரட்டு என பெயர் வைப்பார்கள் என எதிர்பார்க்கப்பட்டது. ஆனால் இறுதியாக இப்படத்துக்கு தொடரி என பெயர் வைத்துள்ளனர். ‘தொடரி’ என்றால் தொடர்ந்து செல்லுதல் என அர்த்தமாம். இதை வைத்து பார்க்கும்போது இப்படம் ஸ்பீட் பட பாணியில் உருவாகியிருக்கும் என எதிர்பார்க்கப்படுகிறது.

தனுஷ் ஜோடியாக கீர்த்தி சுரேஷ் நடித்திருக்கும் இப்படத்தில் கணேஷ் வெங்கட் ராமன், ஹரிஷ் உத்தமன், பூஜா ஜாவேரி, தம்பி இராமையா, ராதா ரவி, கருணாகரன் ஆகியோர் முக்கிய கதாபாத்திரங்களில் நடித்துள்ளனர். இமான் இப்படத்துக்கு இசையமைத்து வருகிறார்.